पुरस्कार तथा कोषको स्थापना

घरेलु हिँसा, सामाजिक राजनीतिक सहभागिताको अभाव, महिला बेचबिखन अन्धविश्वास जस्ता गतिविधिहरू विद्यमान रहेको वर्तमान परिस्थितिविरूद्ध संघर्ष  गर्दै  कठिन परिस्थितिका बाबजुद पनि आफ्ना सन्तानका समुचित रेखदेखमा तल्लीन रही देशका कर्णधार निर्माण गर्न महिलाहरु सफल रहनु्भन्ने अपेक्षा सबैको चासोको विषय हो । साथै समाजमा विद्यमान पुरूष र महिलाका विषमता र विभेदलाई अन्त्य गर्नको लागि पारिवारिक तथा महिलाहरूको मनोबल विकास गरी महिला तथा बालबालिकाहरूको शैक्षिक, आर्थिक, सामाजिक, प्राविधिक तथा स्वास्थ्यका क्षेत्रमा अनुकरणीय योगदान पु¥याउन सफल उत्कृष्ट महिला, महिलाहरूको समुह वा सम्बन्धित संघ(संस्थाहरूमध्ये तुलनात्मक मुल्याङकनका आधारमा राष्ट्रिय स्तरबाट प्रत्येक वर्ष छनौट गरी एकल वा संयुक्तरुपमा पुरस्कृत, तथा सम्मानित गर्न यस प्रतिष्ठानको सङकल्प रहको छ । यसका लागि वि.स. १९७३/०२/१३ मा छातेढुङ्गा, तेह्रथुममा पिता धरणीदास उप्रेती र माता चन्द«कला उप्रेतीबाट जन्म भइ वि.स. २०४४/०२/०३ मा स्वगीय हुनुभएकी गौरादेवी ओलीका स्मृतिमा यो ‘गौरादेवी ओली स्मृति राष्ट्रिय आदर्श आमा पुरस्कारको व्यवस्था गरिएको छ । पुरस्कारको रकम राशि रू. १,०१,१११/- रहेको छ ।